समाचार
शिक्षककाे सेवा र सुरक्षा साथै कक्षा ११ र १२ काे शैक्षिक गुणस्तर सुधारका लागि हिस्टुन आन्दाेलित
विराटचोकः माध्यमिक विद्यालय शिक्षक युनियन नेपाल (हिस्टुन) ले शैक्षिक गुणस्तर सुधारका लागि सरकारको ध्यानाकर्षण गराएको छ । यस्तै, ३० औँ वर्षदेखि पढाउने शिक्षकहरुलाई दरबन्दीमा नलगेको र उनीहरुको सेवाको सुरक्षा वृत्ति विकास नभएकाले ११ र १२ पढाउने शिक्षकका समस्या समाधानका लागि सरकारलाई अल्टिमेटम दिएको हिस्टुनले जनाएको छ ।
राष्ट्रिय स्तरको ट्रेड युनियन अधिकार प्राप्त हिस्टुनले साविक उच्च मा.वि. तहमा कार्यरत शिक्षकहरुको पेशागत हक हित एवम् उक्त तहको गुणस्तरीय शिक्षाको पक्षमा क्रियाशील हुँदै आएको छ । हिस्टुनले देशभरका माध्यमिक विद्यालयका प्रधानाध्यापकलाई ध्यानाकर्षण पत्र मंगलबार बुझाएको छ । सो क्रममा मोरङको सुन्दरहरैँचामा रहेको सुकुना माध्यमिक विद्यालयका हिस्टुनमा आबद्ध शिक्षकहरुले समेत ध्यानाकर्षण पत्र बुझाएका छन् ।
संविधानमै शिक्षा निःशुल्क भनिए पनि आज सामुदायिक विद्यालयहरुमा उक्त कक्षाहरुमा अध्यापन गर्ने एक जना पनि स्थायी शिक्षक नभएको, ११ र १२ मा ६ विषय नियमित अध्यापन हुने भए पनि १÷२ अस्थायी शिक्षक अनुदानमा उपलब्ध गराएर राज्य विद्यालय शिक्षा ध्वस्त पारी अदृश्य रुपमा कुनै वर्गको पृष्ठपोषण गरिरहेको हिस्टुनको आरोप छ । विद्यालयको अन्तिम खुड्किलो कक्षा १२ मा यस वर्ष ५० प्रतिशत भन्दा बढी विद्यार्थी अनुत्तीर्ण भई उच्च शिक्षा अध्ययन गर्नबाट समेत वञ्चित भएको स्मरण गर्दै शिक्षा क्षेत्रको मेरुदण्डको रूपमा रहेका शिक्षकको पेशागत भविष्य अन्योलग्रस्त बनेको, शिक्षकहरुको स्थायित्व र कुनै पनि सुविधा नभएको बताइएको छ । बीसौ वर्षदेखि काम गरेर उमेरको हदका कारण समेत रित्तो हात घर जान बाध्यकारी अवस्था भएकाले यसको समाधानका लागि हिस्टुनले सरकारलाई विद्यालयमार्फत् ध्यानाकर्षण गराएको हो ।
यस्तै विद्यालयहरुमा राज्यको नियन्त्रण र अनुगमन नहुँदा विद्यार्थीहरु मनपरी चर्कोे शुल्क तिर्न बाध्य भएको उनीहरुको आरोप छ । यी समस्याहरुको समाधान खोज्न आग्रह गरिए पनि बेवास्ता भई शिक्षकहरुप्रति विभेद समेत भइराखेकाले सबै तहदेखि आन्दोलन अगाडि बढाउने निर्णय समेत भएको बताइएको छ ।
हिस्टुनले आन्दोलनका कार्यक्रमअन्तर्गत भदौ २६ र २७ गते देशका सबै निर्वाचन क्षेत्रमा जिल्ला र स्थानीय हिस्टुन कार्य समितिहरुले सहकार्य गरी संघीय संसदमा प्रतिनिधित्व गर्ने सांसदहरुलाई ज्ञापन पत्र बुझाउने भएका छन् । सो कार्यका लागि केन्द्रीय सदस्यहरुले समन्वयकारी भूमिका निर्वाह गर्ने साथै शिक्षकहरुले आफ्ना पेशागत मागहरु बारे आफ्नो विद्यालयका प्रधानाध्यापकलाई जानकारी गराउँदै केन्द्रबाट उनीहरुको नाममा प्रेषित पत्र बुझाउने भएको छ ।
भदौ २८ गते ९ साविक उच्च मा वि तहका देशभरका शिक्षकहरुले हातमा कालो पट्टी बाँधी अध्यापन गर्ने भएको छ ।
भदौ ३० गते साविक उच्च मा वि तहका शिक्षकहरुले पेन डाउन गर्ने भएका छन् । आन्दोलनका दिनमा शिक्षकहरु विद्यालय जाने, आन्दोलनको विषयमा विद्यार्थीहरुलाई समेत जानकारी गराउने तर अध्यापन नगर्ने भएका छन् ।
केही दिनमा संसद समेत स्थगन हुने र दशैं, तिहार जस्ता पर्वहरु परेको र संघीय चुनाव समेत भएकाले आन्दोलन नगर्ने र त्यसपछि पनि हिस्टुनका मागहरुप्रति राज्य उदासीन भएमा सबै जिल्लाहरुबाट शिक्षकहरुलाई राजधानी आउन आह्वान गरी काठमाण्डौं केन्द्रित भौतिक आन्दोलनको घोषणा गरिने हिस्टुनका महासचिव टीकाप्रसाद न्यौपानेद्वारा हस्ताक्षरित विज्ञप्तिमा उल्लेख छ ।
Facebook Comment
Banner
रवि लामिछाने आफ्लै भनेका थिए-म अमेरिकाबाट रित्तो हात फर्किएको हुँ।मैले बच्चालाई मासिक रुपमा नेपाल बाटै अमेरिका पैसा पठाउँन पर्छ।पैसा त रविलाई पनि चाहिएकै हुन्छ।उनी पनि कुनै अर्बपती त होइनन्।
Banner
ट्राफिक प्रहरी हत्या प्रकरण : यी हुन् पक्राउ परेका १३ वर्षीय बालक सहित ७ जना
काठमाडौँको दरबारमार्गस्थित ट्राफिक प्रहरी प्रभागमा कार्यरत प्रहरी जवान युवराज घिमिरेको हत्या आरोपमा प्रहरीले १३ वर्षीय बालकसहित ७ जनालाई पक्राउ गरेको छ। घिमिरेको शव काठमाडौँको तारकेश्वर-९ स्थित मनमैजुमा गत शुक्रबार फेला परेको थियो।
उनको हत्यामा संलग्न आरोपमा पक्राउ परेकाहरूलाई जिल्ला प्रहरी परिसर काठमाडौँले आइतबार पत्रकार सम्मेलन गरी सार्वजनिक गरेको हो। उनीहरूलाई काठमाडौँ महानगरपालिका-१६ स्थित अष्टनारायण हलपछाडि र बाइसधाराको जंगलबाट भाग्न लागेको अवस्थामा हवाई फायर गरी पक्राउ गरिएको प्रहरीले जनाएको छ।
पक्राउ परेका ७ जनामध्ये एक जना १३ वर्षीय बालक रहेको जिल्ला प्रहरी परिसर काठमाडौँ प्रहरी प्रमुख एसएसपी वसन्त रजौरेले जानकारी दिए।
उनका अनुसार भक्तपुर चाँगुनारायण-१ घर भएका २१ वर्षीय आइते भन्ने सचिन परियार, नुवाकोट दुप्चेश्वर गाउँपालिका घर भएका १८ वर्षीय अञ्जली श्रेष्ठ, स्याङ्जा आँधीखोला गाउँपालिका-३ की २१ वर्षीया विपना/वसन्ती भनिने वसुन्धारा कार्की, , स्याङ्जा आँधीखोला गाउँपालिका-३ कै ५६ वर्षीय नुनमाया कार्की, नुवाकोट तादी गाउँपालिका, ओखरे घर भएका २१ वर्षीय बुद्ध लामा तामाङ, सिन्धुपाल्चोक इन्द्रावती गाउँपालिका-१ का ३० वर्षीय अमृत तामाङ र उदयपुर घर भएका १३ वर्षीय बालकलाई पक्राउ गरिएको हो।
बालकको पहिचान भने प्रहरीले गोप्य राखेको छ। प्रारम्भिक अनुसन्धानमा लुटपाट, महिलासँग विवादलगायत कारण प्रहरी घिमिरेको हत्या भएको पाइएको प्रहरीले जनाएको छ।गत बिहीबार ड्युटी सकेर कार्यालयबाट निस्किएका प्रहरी जवान घिमिरेको शव गत शुक्रबार मनमैजुमा भेटिएको थियो। शुक्रबार अपराह्न स्थानीयले शव देखेपछि प्रहरीलाई खबर गरेका थिए। प्रहरीका अनुसार खोटाङको दिक्तेल रुपाकोट मझुवागढी नगरपालिका-१ घर भएका घिमिरे सामाखुसीमा डेरामा बस्थे।
Banner
विश्व उच्च रक्तचाप दिवसको अवसरमा नोवेलको प्रभातफेरी
विराटनगर । विश्वभर आजको दिन अर्थात मे १७ मा विश्व उच्च रक्तचाप दिवस मनाइने गरिएको छ । उच्च रक्तचापको जोखिम, यसलाई रोक्न अपनाउनु पर्ने विधी सम्बन्धी जनचेतना फैल्याउने उद्देश्यले यो दिवस मनाइने गरिएको हो ।
उच्च रक्तचाप सम्बन्धी जनचेतना फैल्याउने उद्देश्यले विराटनगरमा रहेको नोवेल मेडिकल कलेज टिचिङ्ग हस्पिटलले आज महेन्द्रचोकबाट तिनपैनीसम्म प्रभातफेरी गरेको छ ।
नोवेल मेडिकल कलेज टिचिङ्ग हस्पिटलका अस्पताल निर्देशक तथा बरिष्ठ मुटुरोग विशेषज्ञ प्रा. डा. राजेश नेपालले विराटनगर महानगरपालिका मेयर नागेश कोइरालालाई खादा र फुलको गच्छाले स्वागत गरे पछि सुरु भएको प्रभातफेरी कार्यक्रममा नोवेलका चिकित्सक, कर्मचारी, रेजिडेण्ट चिकित्सक, इन्टर्न चिकित्सक र विद्यार्थी,समाजसेवी लगायतको सहभागिता रहेको थियो ।
महेन्द्र चोकबाट सुरु भएको प्रभातफेरी तिनपैनी चोकमा पुगेर समापन भएको थियो । समापन कार्यक्रममा प्रा. डा. राजेश नेपालले विश्व उच्च रक्तचाप दिवसको बारेमा प्रकाश पारेका थिए । विराटनगर महानगरपालिकाका मेयर नागेश कोइरालाले उच्च रक्तचाप सम्बन्धी जनचेतना फैल्याउने उद्देश्यले नोवेलले गरेको प्रभातफेरी प्रति डा. राजेश नेपालसहित नोवेल टिमलाई धन्यवाद व्यक्त गरेका थिए । मन्तव्य व्यक्त गर्दै उनले विराटनगर महानगरपालिकाले पनि जनचेतना मुलक कार्यक्रमहरुमा सहकार्य गर्ने बताए ।
विश्व भरिनै मानिसको मृत्युको प्रमुख कारणहरु मध्ये उच्च रक्तचाप एक नम्बरमा रहेको छ । मानिसको बदलिदो दैनिकी, खानपान, पर्याप्त मात्रामा नसुत्ने र तनावयुक्त जीवनले उच्च रक्तचापको जोखिमलाई बढाउने गरेको छ । नेपालको सन्दर्भमा हरेक चार जना मध्ये एक जनालाई उच्च रक्तचाप रहेको पाइएको छ । उच्च रक्तचापको कारण हृदयघात, मस्तिष्कघात हुने, शरीरको विभिन्न अङ्गमा समस्या आउने, हातखुट्टाका नशाहरु बन्द भएर अङ्गभङ्ग हुने, आँखाको दृष्टी कम हुने, मृगौलामा समस्या आउने, यौन दुर्वलता हुने जस्ता विभिन्न समस्याहरु आउने गर्दछ । नियमित रुपमा रक्तचाप नाप्ने गरिएमा उच्च रक्तचाप भए नभएको वा औषधी सेवन गरी रहेका व्यक्तिहरुको रक्तचापको अवस्था थाहा पाउन सहज हुन्छ र समयमा नियन्त्रण गर्न सकिन्छ । त्यसैले यस बर्षको विश्व उच्च रक्तचाप दिवसको नारा पनि “तपाईको रक्तचाप सही ढंगबाट नाप्नु होस् । यसलाई नियन्त्रण गर्नुहोस् र दीर्घायु बन्नुहोस् ।” भन्ने रहेको छ ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login